Itsasmendi Bat Berri

Mahats-mordo osoaren beratze karbonikoa egiten da sulfurosorik gabe, eta ondoren, altzairu herdoilgaitzezko depositu tronko-konikoan berezko hartzidura lortzen da.
Anbar eta laranja arteko kolorea du, urrezko hori izpiak ere ikusten zaizkiolarik.

Sudurrean oso indartsua da, pasio-fruta eta albertxiko usainak nagusitzen dira, baina baita te landarea edo eukaliptoaren sentsazio baltsamiko freskoak ere.
Ahoan zabal-zabal sartzen da barrunbea aromaz beterik uzten duelarik. Freskoa da eta beratzeak emandako mahats barietatearen astringentzia naturala du. Ibilbidean mertxika, lore horiak eta, amaiera aldean, menbrilloa eta fruitu lehorrak ere nabaritzen dira.